عم أمين app for iPhone and iPad
Developer: Mohamed ElSawaf
First release : 30 Jan 2015
App size: 36.9 Mb
عم امين: أمين مكتبات مصر
هو أكبر تطبيق عربي للكتب فهو بوابة التواصل بين القراء ودور النشر.
التطبيق الرسمي لمعرض القاهرة الدولي للكتاب معاك طول السنة.
1- دليل شامل للكتب
2- البحث باسم الكتاب او المؤلف او الوصف
3- تصفح الكتب حسب التصيفات
4- لكل كتاب اكثر من تصنيف
5- معرفة أماكن توفر الكتاب وسعره في كل مكان
6- تصفح الكتب حسب المكتبات
7- معرفة بيانات التواصل مع المكتبة
السنة اللي فاتت كانت الخريطة منفصلة عن دليل الكتب
السنادي الخريطة مرتبطة بالكتب والمكتبات
يعني لو حضرتك فتحت صفحة الكتاب عم أمين هيقولك هو متاح في المعرض ولا لأ.
وكمان لو فتحت صفحة المكتبة (دار النشر) هتلاقي فيها مكانها فين في المعرض.
السنة اللي فاتت كان عم أمين يعرف 120 الف كتاب وكلهم بدون أسعار
السنادي عم أمين يعرف 240 ألف كتاب 50% منهم بأسعار.
السنة اللي فاتت كانت تصنيفات الكتب ملهاش علاقة ببعض ومقدرناش ننظمها.
السنادي تقدر تتصفح الكتب حسب أي تصنيف وتقدر تعرف تصنيف الكتاب من صفحته
وكمان عملنا شجرة تصنيفات مبنية على نظام ديوي العشري ودا النظام المعتمد في أشهر المكتبات العالمية زي مكتبة اسكندرية.
السنادي عملنا ميزة جديدة وذكية جدا وهي انك تقدر تشوف أماكن كتبك المفضلة علي الخريطة
يعني حضرتك ضيف الكتب اللي انت عايز تشتريها لقائمة المفضلة وبضغطة واحدة هتفتح خريطة المعرض ومتعلم عليها مكان كل كتاب فين.
كل التطوير دا بياخد وقت ومجهود كبير وأكيد بيقابلنا مشاكل وتحديات صعبة واحنا مش بنستسلم عشان عايزين نساعدكم.
احنا بنعتذر ليكم عن اي اخطاء حصلت الفترة الماضية وبنوعدكم اننا هنفضل نطور ونزود دليل الكتب عشان تلاقي أي كتاب انت بتدور عليه بسهولة.
1- لما تروح لاي دار نشر في المعرض لو كتبه عندنا قوله انك وصلتله بعم امين ولو كتبه مش عندنا قوله انت ليه مابعتش قائمة كتبك لعم امين.
2- اي معلومات مش تلاقيها عندنا او تلاقيها مش مظبوطة او اي مشكلة تقابلك ابعتلنا علي طول واحنا نوعدك هانحلها في اسرع وقت ان شاء الله.
3- تعمل تقييم للتطبيق هنا وتقولنا ازاي التطبيق كان مفيد ليك عشان التقييم الحلو بيفرق معانا وهو دا اللي بيشجعنا نكمل.